පාසලේ නිල ඇඳුම

පිරිමි ළමුන්

සුදු කමිසය

• සුදු පාට කමිසය අත්කොට එකක් විය යුතුය.
• දිග හරින ලද වැලමිටි සිට අඟලක් ඉහළින් අත් කොට විය යුතුය.
• කමිස අත් අග පළල අවම වශයෙන් අඟල් 12 1/2(12.5) විය යුතු අතර එය අතට හිර වන ආකාරයට මැසීම නොකළ යුතුය.
• කමිසයේ පිටුපස රැළි යෙදීම තහනම් වේ.
• කමිසයේ වම් පසින් පමණක් එක් සාක්කුවක් යෙදිය යුතුය.
• පාසල් නිල ලාංඡනය කමිස සාක්කුවේ දකුණුපස ඉහළින් හොඳින් මසා තිබිය යුතුය.
• කමිස කර පටියේ කෙලවර බොත්තම් වලින් සම්බන්ධ නොකළ යුතුය.
• කමිසය තනි මැස්මෙන් පමණක් මැසීම කළ යුතුය.
• කමිසය සරල විය යුතු අතර සිරුරට හිර නොවන සේ මසා තිබිය යුතු ය.
• අත් දිග කමිසය ඇඳිය හැක්කේ ශිෂ්‍ය නායකයින්ට පමණි.

කලිසම

•  06 -09 ශ්‍රේණි සඳහා නිල් කොට කලිසම ද  10-13 ශ්‍රේණි සඳහා සුදු දිග කලිසම ද ඇඳිය යුතුය.
• කලිසමේ ඉදිරිපස සාක්කු දෙකක් සහ එක් පැත්තකට රැළි දෙක බැගින් දෙපැත්තට රැළි හතරක් තිබිය යුතුය.
• කලිසමේ පිටු පසට එක් සාක්කුවක පමණක් තිබිය යුතු අතර එය පිටුපස දකුණු පැත්තෙන් තිබිය යුතුය.
•  කලිසමෙහි ඉන පටිය පහලින් අඟල් 1.5ක් විය යුතු අතර එය බෙල්ට් ක්‍රමයට මැසීම නොකළ යුතුය.
• ඉන පටිය සඳහා පිටතට නොපෙනෙන ආකාරයට හාක්කයක් ඇල්ලිය යුතුය.
• කලිසම ඉනට තදවන ආකාරයෙන් තිබිය යුතුය.බුරුල් නොවිය යුතුය.
• කලිසම තනි මැස්මෙන් මසා තිබිය යුතු ය.
• කලිසමේ යට කෙලවර බිම නොගෑවෙන ලෙස ට තිබිය යුතු අතර සපත්තු මේස් පෙනෙන ලෙස කොටට මැසීම තහනම් වේ ( 10-13 ශ්‍රේණි )
• කලිසමේ යට කෙලවර අනිවාර්යයෙන්ම අඟල්  16 ක පළලින් යුක්ත විය යුතුය.
• කලිසම් වාටිය අඟල් 2ක පළලින් යුක්ත වන ලෙස ඇතුලට නවා මැසිය යුතුය.
• කලිසම සරල විය යුතු අතර බෙල් හැඩය හෝ ඇඟට හිර නොවිය යුතුය.

සපත්තු

•  කලු ලෙදර් (රෙක්සින්) මතුපිට ඔප දැමිය හැකි සපත්තු කළු පැහැති මේස් සමග පැළඳිය යුතුය .(කැන්වස් නොවිය යුතුය)
• සපත්තු ඉදිරිපසින් ඉහලට නොඑසවිය යුතුය.
• සපත්තුවේ ඉදිරි කෙළවර අවම අඟල් දෙකක් පළල් විය යුතුය.
• 06 - 09 ශ්‍රේණිවල කොට කලිසම් ඇඳි ළමයි මේස් නවා තිබිය යුතුය.

කොණ්ඩය

• කොණ්ඩය කොටට කපා පැත්තට පීරා තිබිය යුතුය.
• අනවශ්‍ය පරිදි කොට කිරීම් හෝ විවිධ මෝස්තර නොදැමිය යුතුය.

වෙනත් පොදු උපදෙස්

• රැවුල කැපිය යුතු ළමුන් දිනපතා රැවුල සම්පූර්ණයෙන්ම කැපිය යුතුය.
• නියපොතු වැවීම චේන් මුදු ආදිය පැළඳීම නොකළ යුතුය.
• පිරිත් නූලක් හැර(සුදු) වෙන කිසිම වර්ණ නූලක් පැළඳීම නොකළ යුතුය.
• මුදල් පසුම්බි  භාවිත නොකළ යුතුය
• පිටෙහි රඳවන වෛවර්ණ නොවන බෑගයක් භාවිතා කළ හැකිය.
• අත් ඔරලෝසුවක් පැළඳීම ශිෂ්‍ය නායකයින්ට පමණක් හිමිවන හිමි වන අතර කළු පටිය සහිත චාම් එකක් විය යුතුය.